Eyðun komin á mál #1

Eyðun og restin av manningini eru aftaná 22 dagar og 4436 kilometrar í eini Tuktuk endiliga komin uppá pláss i Asuncion, Paraguay. 21. November steðgaðu teir við trimum tuktuks framman fyri einum svimjihylið og lupu út í, aftaná eitt nú at hava koyrt ígjøgnum Andes fjøllini, The Gran Chaco og The Salt Plains. 
 
Eyðun greiður okkum frá, at seinasti teinurin av túrinum hevur verið ótrúliga harður. Líka siðani teir komu yvir um markið til Paraguay, hevur hitin sligið til nakað so hart. Teir eru farnir frá at koyra vid langundirkladnum dubult troyggjum, vøttum og regnklæðum, til at koyra í sandalum og shorts!

- 5 timar áðrenn markið og 6 timar aftaná markið var absolutt no mans land. Vit høvdu fylt tangan við bensin og vatni sum um vit ongantíð fóru at síggja tað aftur! Tað var so heitt hendan dagin, at folk dehydreraðu ógvuliga skjótt. Vit máttu ennta steðga at koyra, tí tad simpulten var ómenniskjansligt. Eini 55 stig bobblaðu rundan um okkum. Hetta var mitt í tí so kallaða The Gran Chaco. Og her er einki.. ikki eingongd eitt sindur av le at goyma seg fyri sólini.
 
Tískil avgjørdu teir skjótt bara at koyra um náttina, morgunin og kvøldið. Men hetta hevdi eisini vid sar, at hvørja ferð eitt dekk brast ella ein keta slitnaði um náttina, so tóku teir lummalykturnar framm og insektirnar og moyggjabitar flokkaðust um ljósið.

Eyðum greiður frá, at teir nær vórðu etnir livandi: Eina náttina vit arbeiddu á hjólið føldi eg okkurt løgið undir beininum á mær. Eg tók eina lykt og lysti á - Har rann ein skorpión runt og spældi krógva og blunda ella okkurt líkanandi. Hevði eg blivið stungin av eini tílíkari, kundi enda galið. 

Les framhald av endanum av ferðini hjá Eyðuni her.

Síggj myndir á forsíðuni.

Mynd: Eyðun og Joey í svimjihyli
regin@mess.fo

Eyðun komin á mál #2

Tá Eyðun, Joey og restin vóru komin yvir um markið, var ikki nogv at uppliva. Tad var næstan bara asfalt allan vegin til Asuncion, so tey kundu hava speedaran i botn dag og nátt... Burtursæð frá, at 4-5 ferðir um tíman gekk okkurt sjálvandi galið vid tuktukkinum.

- Vit hava koyrt í so gott sum øllum umhvørvi ein yvirhøvur kann ímynda sær. Fjøllum, Kava, regni, toru, sandstormum, tornadoum, sandi, salti, asfalti, áum (!!), runu, hegli, í -7 stigum og + 55 stigum, frá 5120 metra hædd nidur til 60 metrar Og so framvegis og so framvegis.

Alt í alt hevur tad verið ein heilt ótrulig uppliving, greiður Eyðun frá: Tað hevur verið hart. Og mann hevur barst við hædd, kulda, hita og fyri ikki at gloyma tuktukkinum. Vit hava verið i Asuncion í 1 viku nú og i gjár lótu vit tuktukkarirnar inn aftur til fyrireikararnar. Fyrr ella seinni koma tit at síggja ein feitan samansettan video/dokumentar av túrinum á The Mototaxi Junket 2009.

- Eg vil enn einaferð takka øllum, sum hava stuðlað bæði mær, Joey og Operation Smile á túrinum. Tit eru øll alt for kul!

Alt í alt hava tey 62 holdini á túrinum savnað yvir 631,383.98 krónur inn fyri Operation Smile.

Mynd: Eyðun á vegnum
regin@mess.fo

Tuk Tuk #1: stríð við sandstormar

10. november komu Eyðun, Joey og restin av manningini, sum teir ferðast saman við niðri í Suðuramerika, til La Paz í Bolivia. Sum vit hava skrivað áður, hava tey havt nógvar trupulleikar við Tuk Tukkinum hjá sær, og aftur her mátti ein av motorsúkklunum á verkstað. Súkklan bleiv tó fiksað skjótt, og tey settu síðani leiðina móti Salar De Uyuni (á enskum The Salt Plains), ið er heimsins størsta salt-lendi.

Túrurin hagar, ið einans tók teimum tveir dagar, var ein tann harðasti higartil. Kilometrar omaná kilometrar av sandi og ongum øðrum. Bakandi sól og manningin í hørðum stríði við at fáa Tuk Tukkin skumpaðan allan vegin ígjøgnum sandin. Tilsamans umleið 11 tímar fóru við at lyfta, toga og skumpa - og tað til einans 40 kilometrar (umleið tveir triðingar av vegnum frá Klaksvík til Tórshavn)

Tó vóru nakrar góðar upplivingar í hesum stríðinum, greiðir Eyðun okkum frá:
- Í øllum hesum sandinum vóru hundraðtals smáar tornadoðir at síggja so langt, sum eygað rakk. Og vit sluppu eisini at koyra beint ígjøgnum eina. Fantastiskt. Vónandi sleppa tit at síggja upptøkur av tí ein dagin!

- Ein av býunum, sum vit yvirnáttaðu í, var púra dekkaður av einum sand-stormi (sí myndarøð á forsíðuni) men vit funnu eitt stað at kroka inni hesa náttina og hugnaðu okkum við mongum cervesaaas :)

Les eisini seinna part:
Tuk Tuk #2: Salt-lendi og boygnað tannhjól

Mynd: Eyðun í Tuk Tuk
sunneva@mess.fo

Tuk Tuk #2: salt-lendi og boygnað tannhjól

Tá Eyðun og restin av manningini var komin yvir harða stríðið við sandi og tornadoðum, ferðaðust tey í seks tímar ígjøgnum heimsins størsta salt-lendi, Salar De Uyuni.
- Tað var heilt fantastiskt. Tú sært bara kritahvítt í allar ættir. Hetta hevur uttan iva verið eitt av hæddarpunktunum við túrinum higartil, sigur Eyðun.

- Aftaná alt hetta broyttist náttúran kring okkum yvir í fjøll, fjøll og meira fjøll. Sand og runu, vind og meira vind. Seinastu dagarnar hava vit havt so nógvar trupulleikar við okkara Tuk Tuk, at tað í summum førum hevur verið heilt vónleyst. Tannhjólið á Tuk Tukkini er boygnað, og tað smildrar allar keturnar. Uppá tveir dagar eru fimm ketur slitnaðar. MEN, vit geva sjálvandi ikki upp og hava nú fingið ein mekanikara at fiksa tað, sigur Eyðun.

Tey hava higartil ferðast ógvuliga høgt uppi í fjøllunum. Nú eru tey komin næstan 5000 kilometrar longur niður, og hitin er vaksin ómetaliga nógv. Regn síggja tey einki av longur. Men Eyðun er enn frískur og kemur nú hvørja løtu til endan á ferðini inni í hjartanum á Paraguay.

Les fyrra part her:
Tuk Tuk #1: Stríð við sandstormar

Síggj nógvar stuttligar myndir av túrinum frá landamarkinum inn til Argentina og ígjøgnum sand- og salt-oyðimørkir á forsíðuni.

Mynd: Eyðun á salt-lendinum
sunneva@mess.fo

Tuk Tuk update: sluppu ikki inn í Argentina

Eyðun og Joey vóru í gjár við landamarkið millum Bolivia og Argentina, har teir hava havt stórar trupulleikar.

Tá teir høvdu stemplað seg úr Bolivia, sluppu teir ikki yvir um markið til Argentina - og sluppu knappliga heldur ikki inn aftur í Bolivia!

Eftir nógv rok og roks sluppu teir at enda inn aftur í Bolivia, og leiðin gongur nú til markið inn í Paraguay.

Her niðanfyri er eitt kort yvir leiðina hjá teimum, og hvar allir adventuristarnir eru komnir til higartil. (trýstir tú á kortið, kemur tú inn á eitt digitalt kort, har tú kanst fylgja teimum allan vegin)



Les her frásøgn og úttalilsir frá Eyðuni um Tuk Tuk trupulleikar og ferðina allan vegin ígjøgnum Peru og inn í Bolivia.

Síggj eisini eina rúgvu av myndum av túrinum higartil, Eyðuni og innføddum Peruvianarum og mongum øðrum her á mess.fo forsíðuni.



Mynd: Eyðun og Joey on the road
sunneva@mess.fo

Eyðun og Tuk Tuk live á Rás 2 nú!

Nú kl 15.25 verður samrøða við Eyðun beinleiðis úr Peru um Tuk Tuk túrin! Tjúna inn á ras2.fo ella skrúva útvarpið upp!

Les eisini:
Tuk Tuk trupulleikar í Andesfjøllunum

sunneva@mess.fo

Tuk Tuk trupulleikar í Andes- fjøllunum

Um vikuskiftið fingu Eyðun og Joey og allir hinir adventuristarnir grønt ljós til at byrja 5000 km longu Tuk Tuk ferðina hjá sær ígjøgnum Andesfjøllini. Frá Peru til Bolivia og inn í hjartað í Paraguay.

Status uppdateringin nú ljóðar uppá, at teir higartil hava koyrt væl yvir 600 km og vóru í gjár staddir uttanfyri býin Cusco í Peru.

Onkrastaðni, har teir ferðast, regnar og heglar illa, tað er kavi, og tað er sera kalt. Men djørvu menninir báðir sova tó hvørt kvøld í telti og halda glaðir á hvønn dag - í hvussu er teir dagarnar, tá Tuk Tuk motorsúkklan riggar! Størstu trupulleikarnir hava verið punkteraði dekk, slitnar ketur osfr.

At byrja við vóru Eyðun og Joey partur av einum liði uppá fimm Tuk Tuks. Men orsakað av alvorligum trupulleikum við mototaxiini, máttu teir lata hini liðini fara víðari, meðan teir fóru við motorsúkkluni á verkstað. Olja lak, eingin nesti var í tendriproppinum, gir-kassin vildi ikki uppføra seg ordiligt og fór bara í 1. og 2. gir.

Tá ein mekanikari so hevði arbeitt uppá motorsúkkluna ein heilan dag, og teir vóru slopnir víðari á túrinum hjá sær, breyt Tuk Tukkurin aftur saman við somu trupulleikum.

Her er Eyðunsa egna lýsing av, hvussu hann upplivdi tað:

- Vit vóru strandaðir in the middle of f****** nowhere. Einki signal á telefonini. Klokkan var seks um morgunin. Pissi kalt. Kavi summastaðni ... 40 minuttir seinni fingu vit lift av lastbili til nærmasta bý. Aftur har máttu vit bíða í fýra-fimm tímar eftir einum nýggjum lifti við lastbili.

- Nú eru vit endiliga á veg til Cusco. Grundin til, vit skunda okkum hertil, er, at offisiellu Tuk Tuk mekanikararnir, sum eru í Cusco, kunnu arbeiða uppa okkara Tuk Tuk gratis. Og allarhelst fiksa okkara problemir.

Fyrranáttina svóvu Eyðun og Joey í einum lastbili, og um alt fór at orðna seg í Cusco, ætlaðu teir at drøna víðari ímoti Puno, Lake Titicaca, har teir nærkast landamarkinum til Bolivia og harvið eisini tollmyndugleikum.

Eyðun hevur harumframt fortalt okkum, at tað eru mong av ferðaliðunum, ið hava havt trupulleikar har niðri. Meira er at lesa um tað her.

Síggj myndir frá Tuk Tuk startskotinum á forsíðuni.

Yvir vikuskiftið og í næstu viku fara vit at posta nógvar myndir afturat frá ferðini hjá Eyðun og Joey inn her á mess.fo.

Á hesari síðuni kanst tú á einum korti fylgja við leiðini, sum teir ferðast á.

Mynd: Frá Eyðuni
sunneva@mess.fo

Tuk Tuk seinkað - skotið avstað í dag

Fyri einari viku sidani skuldi Tuk Tuk ferðin hjá Eyðuni og einari rúgvu av øðrum adventuristum byrja, men eingin hevur flutt eitt bein síðstu seks dagarnar. Nakrir trupulleikar hava sett steðg í túrin, og mundi alt næstan blivið avlýst, boðar Eyðun okkum frá.

Orsøkin er tann, at Honda, sum skuldi levera allar 63 Tuk Tuks'irnar, knappliga breyt seks mánaðar langa sáttmálan bert fýra dagar, áðrenn ferðin skuldi byrja.

Hetta gjørdi, at fyrireikararnir máttu út at finna 63 aðrar Tuk Tuks og gera nýtt pappír arbeiði uppá einans fýra dagar. Nú hava teir so klárað at funni teir djúpt inni i Amazon frumskóginum. Tá start-dagurin upprann, vóru allar Tuk Tuks'irnar klárar, men nummarpláturnar vóru seinkaðar, og sumt av pappír-arbeiðinum var enn ikki komið uppá pláss.

Intensivir fundir vóru hvønn dag, og fustreraðir adventuristar (harmímillum Eyðun) máttu bíða og bíða eftir, at alt pappír arbeiðið, sum var meira enn strævið at fáast við, skuldi koma uppá pláss. Tað eru til dømis nøkur pappír, sum man skal hava, sum siga, at man ikki hevur stolið Tuk Tuk'in, og at man hevur loyvi at sleppa ígjøgnum landamørk osfr.

Í dag hava Eyðun og restin av adventuristunum fingið grønt ljós. 40 lið eru longu farin avstað, og Eyðun fer saman við 14 øðrum liðum avstað nú hvørja løtu.

Inni her ber til at fylgja við rutuni hjá Eyðun og teimum.

Síggj myndir frá fyrireikingunum hjá Eyðun til túrin á MESS forsíðuni.

Og fylg annars við her á síðuni so hvørt sum vit posta uppdateringar og myndir frá Eyðuni.

Les eisini:
Føroyingur við í heimskendu "adventure race!" - HER!
Eyðun um Andes-ferðina: tað liggur í blóðinum - HER!
Tuktuk fakta: 1km um tíman niðan brekku! - HER!
Eyðun á ævintýri - hvar? - HER!

sunneva@mess.fo

Tuk Tuk: Kappingin byrjar í morgin!

MESS fylgir Eyðuni Müller og vinmanni hansara á teirra Tuk Tuk ferð ígjøgnum Suður Amerika, og nú kanst tú lesa fyrstu uppdateraðu tíðindini frá túrinum.

Eyðun og vinmaðurin Joey úr Hollandi eru nú komnir til Huancayo í Peru, sum er býurin, har teir byrja ferð sína við Tuk Tuk.

Seinastu dagarnar hava øll tey, ið luttaka í spennandi kappingini, vant seg við at koyra Tuk Tuk motorsúkklu. Tilsamans eru 63 Tuk Tuk motorsúkklur við í kappingini! Sambært Eyðun hevur hetta verið ótrúliga feitt og stuttligt.

Eisini eru teir saman við hinum luttakarunum bodnir til eina "fiestu" (ball) av borgarstjóranum í býnum. Her verða teir handaðir eitt prógv fyri tað, teir gera. Í morgin verður borgarstjórin eisini til staðar, tá ið kappingin verður sett í gongd. Teir eru sera spentir til, at tað skal byrja av álvara.

5000 km. langi túrurin byrjar sum sagt í Huancayo í morgin og endar 7. november í Asunción, sum er høvuðsstaðurin í Paraguay. Ein tílík kapping er ongantíð roynd áður, so spennandi verður at fylgja við, um tað yvirhøvur letur seg gera hjá teimum at fullfíggja túrin.

Fylg við her á síðuni komandi vikurnar, tá vit posta myndir og fleiri tíðindi frá túrinum.



Les eisini:
Føroyingur við í heimskendu "adventure race!" - HER!
Eyðun um Andes-ferðina: tað liggur í blóðinum - HER!
Tuktuk fakta: 1km um tíman niðan brekku! - HER!
Eyðun á ævintýri - hvar? - HER!

Mynd: Eyðun Muller
levi@mess.fo

Eyðun á ævintýri - hvar?

Hvat er klokkan í Suðuramerika í mun til her? Hvussu nógv fólk búgva har?

Hesum spurningum svara vit her niðanfyri í sambandi við, at ungi havnamaðurin, Eyðun Muller, skal á Tuktuk upplivilsis-ferð ígjøgnum Andes-fjøllini saman við hollendaranum Joey.

1. Runt roknað 385.742.554 fólk búgva í Suðuramerika.

2. Hægsta punktið í Suðuramerika liggur í Argentina og er 6.962m høgt.

3. Spanskt er mest brúkta málið har, men tó er eisini ma. Portugisiskt, Hollendskt og eitt sindur av enksum at hoyra.

4. Suðuramerika eigur nøkur av teimum mongu heilt serligu undrunum í heiminum. Til dømis Inca-ríkið Machu Picchu og Lake Titicacca, ið er størsta vatnið í Suðuramerika.

5. Suðuramerika liggur 6 tímar aftanfyri føroyska tíð. Tá klokkan slær midnátt har, ja, so er við at verða skúlatíð her.

6. Túrurin hjá Eyðun & Joey er roknaður at vera umleið 4-5000 km langur. Frá Peru, Bolivia og inn í Paraguay.

Les meira um túrin, samrøðu við Eyðun og ikki minst fakta um Tuktuk motorsúkkluna, sum hann skal ferðast á, við at trýsta á leinkjurnar.

Mynd: Machu Picchu
sunneva@mess.fo